Grænmetishlaup

Hreinsið grænmetið, skiptið fersku spergilkálinu í greinar og skerið paprikuna í hringi, 1/2 sm þykka. Hitið vatn, salt og grænmetiskraft að suðu og sjóðið spergilkálið í soðinu í 10 - 15 mín. eða þar til stilkarnir eru meyrir. Sjóðið upp á paprikunni í örlitlu vatni. Færið grænmetið upp og látið soðið renna vel af því. Leysið Toro hlaupið upp í 5 dl af spergilkálssoðinu. Raðið grænmetinu í lögum í mót og hellið hlaupinu yfir. Athugið að hlaupið nái vel í gegn og á botninn. Látið bíða í kæli í 1/2 sólarhring.

Sósa:
Sjóðið í potti við vægan hita vatn, þykkni og sýrðan rjóma í 5 - 10 mín. eða þar til það byrjar að þykkna. Bætið kryddi og rjóma út í ásamt maísenamjöli og hrærið vel. Látið sjóða áfram í 5 mín. Berið sósuna fram með grænmetishlaupi og brauði.