Kanilsultaðar apríkósur með ljúfri grískri jógúrt

Hitið vatn og sykur saman í litlum potti. Þegar sykurinn byrjar að bráðna er kanel, kardimommudufti og apríkósum bætt út í sírópið. Lokið pottinum og látið malla áfram í 8-10 mínútur.

Takið jógúrtina úr kælinum og hrærið aðeins í henni. Setjið 4 msk. af jógúrt á hvern disk. Setjið nokkrar sultaðar apríkósur til hliðar við jógúrtina ásamt dálitlu af sírópinu. Sáldrið hnetunum eða múslí yfir jógúrtina. Berið strax fram.