Gulrótapaté

Hreinsið gulrætur og sjóðið í léttsöltuðu vatni. Setjið þær í kvörn og maukið, sneiðið blaðlaukinn og látið krauma í smjöri (brúnið ekki) í 2-3 mín. Blandið saman eggjum, kryddi og sýrðum rjóma. Pressið hvítlaukinn og bætið honum, blaðlauki og gulrótum út í. Hellið blöndunni í smurt mót með álpappír yfir. Sjóðið í vatnsbaði í ofni við 175°C í 1-1½ klst. Takið pappírinn ofan af síðustu 10 mín. Látið baksturinn rjúka og hvolfið á fat.

Sósa:
Sjóðið kálið (má hafa verið frosið) og maukið í kvörn. Bætið sýrða rjómanum (má nota sama magn af hreinni abt-mjólk) út í ásamt fínt saxaðri skinkunni. Berið sósuna fram heita með köldu gulrótapaté og grófu brauði.