Peru- og gráðaostarönd

Skreytið með ferskum berjum eða radísum ef vill. Klæðið lítið kantað mót, 6-12 cm með plastfilmu. Afhýðið perurnar og takið kjarnann úr. Sjóðið perurnar í sykurvatni í u.þ.b. 20 mín. Takið þær upp og látið leka af þeim og kælið. Myljið helminginn af gráðaostinum og setjið í botninn á mótinu, hrærið rjómaostinn mjúkan og breiðið helminginn yfir gráðaostinn. Skerið perurnar í sneiðar og raðið þeim eftir miðjunni ofan á rjómaostinum. Breiðið það sem eftir er af rjómaostinum yfir og þar yfir það sem eftir er af gráðaostinum. Leggið plastið yfir og setjið farg ofan á. Látið standa í kæli í minnst 2 klst. Takið úr mótinu og skerið í sneiðar. Setjið á disk fyrið hvern og einn og dreypið hunanginu yfir, þá hnetum og skreytið að vild. Berið fram með portvíni eða sætu ábætisvíni.