Deig: Bræðið smjörið, blandið mjólkinni saman við. Blandið gerinu í og hrærið í þar til það hefur leyst upp. Bætið saltinu og sykri í. Blandið hluta af hveitinu í. Stráið hveiti yfir og breiðið klút yfir skálina og látið standa á hlýjum stað í minnst 1 klst. (á meðan fyllingin er búin til). Látið lauk og hvítlauk krauma í smjörinu þar til mjúkt án þess að brúnast. Bætið hakkinu út í og látið það brúnast, kryddið. Hellið vatninu út á og bætið rúsínunum í og látið sjóða í 2-3 mín. Dragið af hitanum. Fyllinginn má ekki vera of blaut, ef svo er látið þá sjóða í nokkrar mín. í viðbót. Skerið eggin í báta. Hnoðið deigið og skiptið því í 24-25 bita, u.þ.b. 65 g hvern (ath. deigið er vel ríflegt) Látið fyllinguna kólna. Skerið ólívurnar í tvennt og blandið í fyllinguna. Hitið ofninn í 200°C. Fletjið hvern bita út í hringlaga köku u.þ.b. 15 cm. í þvermál. Setjið kjötfyllingu á hvern kökuhelming, og eggjabát ofan á. Leggið hinn deighelminginn yfir. Þrýstið brúnunum saman með gaffli. Leggið hálfmánana á plötu klædda bökunarpappír og látið standa í 10 mín. Penslið með eggi og bakið í 20-25 mín. Hægt er að nota hvaða fyllingu sem er, t.d. hakk, pasta eða hvað sem er.