Hitið ofninn í 175°C. Takið skurnina af eggjunum og skerið þau í tvennt eftir endilöngu. Takið rauðurnar úr og setjið þær í skál. Látið laukinn krauma í smjöri og olíu í 1-2 mín.. Bætið sveppunum í og látið krauma í 2 mín., eða þar til allur vökvi er horfinn. Stappið rauðurnar og blandið saman við sveppi og lauk. Jafnið blöndunni í hvíturnar og raðið á smurðann eldfastan disk. Sósa: Bræðið smjörið. Bætið hveitinu út í, hrærið vel í u.þ.b. 2 mín., ekki láta hveitið brúnast. Dragið af hitanum, bætið mjólkinni út í. Hrærið vel í. Setjið á hitann aftur, látið sjóða þar til þykknar. Hrærið stöðugt í á meðan. Dragið af hitanum Kryddið og bætið ostinum 26% út í. Hellið sósunni yfir eggin, stráið parmesanostinum yfir og örlitlu af paprikudufti til að fá lit. Bakið í 20 mín. Berið strax fram.