Pizza með mozzarellaosti og camembert

Hitið ofninn í 200°C með blæstri og undirhita. Fletjið pizzadeigið þunnt út. Setjið pizzasósuna yfir. Stráið pizzaostinum yfir botninn. Raðið tómatsneiðum og camembert-sneiðum sitt á hvað allan hringinn á pizzunni og setjið eina tómatsneið í miðjuna. Raðið litlu mozzarella-ostunum á tómatsneiðarnar, einum osti á hverja sneið. Bakið pizzuna í 12–15 mínútur. Dreifið basilíku, klettasalati, skinku, og slatta af ólífuolíu yfir bakaða pizzuna. Saltið og piprið eftir smekk. Berið strax fram.