Blandið saman smjöri og kexmylsnu og þrýstið í botninn og upp með hliðunum á 24 sm. klemmuformi. Kælið. Blandið saman vatni og rommi. Stráið matarlímsdufti þar yfir, látið standa í 5 mín., blandið skyndikaffiduftinu saman við og hitið. Hrærið í þar til kaffi og matarlíms- duft hafa jafnast út. Kælið örlítið. Hrærið rjómaostinn mjúkan, bætið sykri og sítrónusafa saman við, hrærið vel. Blandið volgri matarlímsblöndunni saman við, og blandið rjómanum að síðustu varlega saman við. Hellið fyllingunni yfir kexbotninn. Skreytið með rifnu súkkulaði. Kælið í allt að sólarhring.