Jarðarberjaostakaka

Hitið ofninn í 175°C. Blandið saman kexmylsnu , 5 msk.sykur og smjöri. Þrýstið í botninn og upp á barmana á smelluformi 22-24 sm.í þvermál. Bakið í 5 mín. við 175°C. Kælið. Afþýðið jarðarberin. Látið leka vel af þeim. Mælið safann og bætið mjólk í þannig að vökvinn verði 1 bolli. Leysið matarlímið upp í vatninu. Hrærið saman rjómaost og sykur. Bætið matarlími og safa saman við. Kælið þar til fer að þykkna. Blandið þá jarðarberjum út í og að síðustu rjómanum. Hellið yfir kexbotninn, kælið í allt að 10-12 klst. áður en kakan er tekinn úr forminu. Skreytið með jarðarberjum ef vill. Geymist í 2-3 vikur í kæliskáp, en ekki geyma hana í forminu þar sem það vill ryðga.