Lambahryggur Provencale

Lambahryggur sagaður eftir endilöngu. Áætlið 2-3 rif á mann. Látið saga hryggjarbeinið í sundur á milli rifana. Hitið ofninn í 200°C. Nuddið salti og pipar á kjötið. Bindið kjötið upp á 2-3 stöðum þvert yfir ef þarf. Setjið kjötið í ofnskúffu og steikið í 30 mín. Penslið yfir kjötið með fitunni í skúffunni eða með smjöri 2-3, meðan á steikingu stendur. Blandið saman steinselju, brauðmylsnu, lauk og hvítlauk og blandið í brætt smjörið. Takið kjötið út út ofninum. Takið böndin af kjötinu. Þrýstið fyllingunni á kjötið, ef þarf má bleyta fyllinguna örlítið með fitu úr skúffunni. Steikið kjötið áfram í 10-15 mín. Látið kjötið standa í 10-15 mín. áður en það er skorið í sneiðar á milli rifana. Skerið varlega svo að fyllinginn detti ekki af. Berið fram með soðnum kartöflum.