Kjúklingur í einum grænum

Hlutið kjúklinginn í sundur í 8 hluta. Blandið saman brauðmylsnu, salti og pipar. Sláið saman eggi og 1 dl af mjólk. Veltið kjúklingahlutunum upp úr mjólkurblöndu, þá í brauðmylsnunni. Hitið saman smjör og olíu. Brúnið kjúklingabitana á báðum hliðum. Hellið því sem eftir er af mjólkinni í pönnuna. Setjið rjómaostinn í bitum á pönnuna á milli kjötbitanna. Setjið paprikusneiðarnar yfir. Bakið við 175°C., í 20 mín. Takið úr ofninum og stráið ostinum yfir. Bakið áfram í 10 mín. Hægt er að nota annan rifinn ost, t.d. 26%. Berið fram með kartöflum eða hrísgrjónum.