Fyllt kjötrúlla

Raðið kjötsneiðunum í þunnt lag á blauta diskaþurrku, látið þær ganga hverja inn á aðra. Blandið saman hakki, brauðmylsnu og rifna ostinum. Bætið söxuðu eggjunum og hráa egginu saman við. Kryddið með salti, pipar, múskati og kanil. Breiðið hakkblönduna yfir kjötsneiðarnar, en ekki alveg út á brúnir. Raðið salamisneiðunum ofan á eftir endilöngu, þá ostsneiðunum og þar ofan á eggjunum í eina röð. Rúllið kjötinu þétt upp með hjálp diskaþurrkunnar. Takið rúlluna og bindið þétt upp með sláturgarni. Hitið olíuna í potti og látið lauk, gulrót og sellerí krauma þar til vel mjúkt. Blandið tómatpurée saman við, látið sjóða í 10 mín. Ef blandan verður of þurr má væta í henni með safanum af tómötunum. (dós 400 g )Látið leka vel af tómötunum og bætið þeim út í. Kryddið með salti, pipar, múskati og kanil. Látið krauma í 15 mín. Setjið rúlluna í pott og hellið tómatsósunni yfir, hellið víninu yfir og kveikið í. Bætið vatni í, þannig að rétt fljóti yfir. Látið malla undir loki í 1 1/2 klst. Bætið meira vatni í ef þarf. Takið rúlluna upp og takið bandið af, skerið rúlluna í sneiðar. Berið fram heitt eða kalt. Raðið sneiðunum á fat skreyttu með hlaupi (Toro) bragðbættu með sérrí eða púrtvíni. Sjóðið sósuna niður um helming, berið hana fram með.