Hægt er að nota 2 stk vorlauk í stað 1 lauks. Þvoið og þerrið flökin, og skerið þau í fjóra jafna bita. Klippið út fjóra ferninga úr álpappír. Leggið fiskbita á miðju hverrar arkar. Dreypið sítrónusafa og hvítvíni yfir. Stráið pipar yfir. Lokið hverri örk. Gufusjóðið í 15 mín. Látið laukinn krauma í hvítvíninu við vægan hita í 5-8 mín. Sigtið í lítinn pott. Opnið fiskpakkana og hellið öllum vökva úr pökkunum út í pottinn (lokið pökkunum aftur til að halda fiskinum heitum), bætið saffran og rjómaosti út í og hrærið í þar til osturinn er bráðinn. Þynnið sósuna ef þarf. Setjið sósu á hvern disk og leggið fiskstykki ofan á. Berið fram með léttsoðnu grænmeti.