sundurslegið egg til að pensla með möndluspænir og /eða perlusykur til skrauts 30 lítil form, t.d. álform Myljið gerið í skál og hellið mjólkinni yfir, hrærið þar til gerið hefur jafnast út. Blandið 4 dl. af hveiti saman við. Breiðið klút yfir skálina og látið hefast á hlýjum stað í u.þ.b. 30 mín. Hrærið smjöri, sykri og eggjum saman við og að lokum hveiti en ekki öllu í einu þar sem ekki er víst að þörf sé á því. Hafið deigið það blautt að það rétt losni frá borðinu. Blandið saman öllu sem á að fara í fyllinguna. Setjið örlítið af fyllingu í botninn á hverju móti. Hnoðið deigið á hveitistráðu borði. Skiptið deiginu í tvennt. Mótið hlutana í lengjur og skiptið hverri lengju í 15 bita. Mótið bollur úr bitunum og setjið bollu í hvert álform. Þrýstið því sem eftir er af fyllingunni niður í bollurnar, notið tvær teskeiðar eða klippið rauf með skærum og setjið fyllinguna í. Breiðið klút yfir og látið hefast á hlýjum stað í u.þ.b. 45 mín. Hitið ofninn í 250°C. Penslið bollurnar með eggi, stráið sykri og hnetuspónunum yfir. Bakið í u.þ.b. 8 mín.