Nýjung frá MS - Dala hringur  ı   26.03.10

Nýr mygluostur á markað fyrir páska !

Unnendur hvítmygluosta hafa nú nýtt afbrigði úr að velja en á markaðinn er kominn nýr hvítmygluostur frá Mjókursamsölunni, Dala hringur, osturinn er hringlaga hvítmygluostur (penicillium candidum) þar sem búið er að fjarlægja kjarna ostsins og er hann með gati í miðjunni. Lögunin á Dalahring gerir það að verkum að hann þroskast hraðar og verður fyrr tilbúinn til neyslu en aðrir mygluostar á markaði. Osturinn er bragðmildur, mjúkur og kærkomin viðbót í mygluostaflóruna.

Í nafninu Dalahringur er auk lögunar ostsins skírskotað til Dalanna og Búðardals þar sem hann er framleiddur ásamt öllum mygluostum í flóru íslenskra desertosta.

Osturinn er nú fáanlegur í öllum helstu matvöruverslunum landsins.